تامل فلمسٹار سوریا دے اسلام قبول کرن دیاں خبراں بے بنیاد نکلیاں

ممبئی(پاکستان پوائنٹ نیوز28۔مارچ2017ء) تامل فلمسٹار سوریا دی پچھلے دِنا اک ویڈیو سماجی رابطے دی ویب سائٹ دے نال نال یوٹیوب اُتے وی مقبول ہوئی۔ ویڈیو وچ اوہناں نوں اک مسجد وچ جاندے ہوئے ویکھیا گیا۔ سوریا دی ایہ ویڈیو ساہمنے آن مگروں اوہناں دے اسلام قبول کرن بارے خبراں ساہمنے آ رہیاں سن، پر ہن ایہناں ساریاں خبراں نوں بے بنیاد قرار دے دتا گیا اے۔ وسیلیاں دے مطابق ذکر کیتی گئی ویڈیو تن ورھے پہلے 2013وچ سنگھم 2دی شوٹنگ دے دوران فلمائی گئی سی جدوں اے آر رحمان دی اُچیچی درخاست اُتے سوریا نے مسجد دا دورا کیتا۔ جہدی وجہ توں سوریا دے اسلام قبول کرن بارے خبراں دم دے گئیاں نیں۔