نویں دِلی(پاکستان پوائنٹ نیوز18۔مارچ2017ء) بھارتی ریاست آسام وچ اک مسلم علماءدے گروپ نے انڈین جونیئر آئیڈل وچ حصہ لین والی بھارتی گلوکارا خلاف فتوی جاری کر دِتا، علماءنے گلوکارا نوں سٹیج اُتے گانے توں روکن دے حوالے نال فتوی جاری کیتا۔ بھارتی میڈیا دے مطابق بھارتی ریاست آسام وچ 43 مسلمان علماءنے 16ورھیاں دی بھارتی گلوکارا خلاف فتوی جاری کر دِتا، فتوی وچ آکھیا گیا اے کہ گائیکی دے کنسرٹس تے گانے گانا شریعت خلاف تے حرام اے۔
میڈیا رپورٹس دے مطابق ناہید آفرین نے 25مارچ نوں آسام دے علاقے لنکا دے اک کالج دے کنسٹرٹ وچ پرفارم کرنا اے، علماءنے ایس گل توں ناراض ہو کے ناہید آفرین تے انتظامیا خلاف فتوی جاری کیتا،کیونکہ علماءدے مطابق کنسرٹ والی تھاں نیڑے مسجد تے قبرستان اے ، جس کارن مقدس تھاواں دا بے حرمتی ہووے گی۔
