جاناں ملک تے نعمان جاوید وچکار آن والے اک دو دناں وچ صلح ہون دا امکان

لاہور(پاکستان پوائنٹ نیوز18۔مارچ2017ء) اداکارا جاناں ملک تے گلوکار نعمان جاوید وچکار صلح دیاں کوششاں جاری، آن والے اک دو دِناں وچ صلح دا امکان اے۔ وسیلیاں دے مطابق اداکارا جاناں ملک تے اوہناں دے شوہر گلوکار نعمان جاوید وچکار اختلافات نوں ختم کرن لئی دوواں پاسیوں صلح دیاں کوششاں دا سلسلا جاری اے۔ ایس حوالے نال جاناں ملک نے کُجھ شرطاں رکھیاں نیں جہناں نوں منن مگروں میاں بیوی وچکار چھیتی صلح ہون دا امکان اے۔ شوبز حلقیاں ولوں وی امید دا وکھالا کیتا جا رہیا اے کہ آن والے اک دو دِناں وچ جاناں ملک تے نعمان جاوید وچکار معاملات طے ہو جان گے۔