خیبرپختونخوا: مسلم لیگ (ن) نے تحریک انصاف دی وڈی وکٹ ڈیگ دِتی

عمران خان دے قریبی ساتھی طاہر اورکزئی دا (ن) لیگ وچ رلت دا اعلان، چھیتی ای عمران خان تے پرویز خٹک اکَلے ای رہ جان گے: وزیر اعظم دے مشیر امیر مقام

خیبرپختونخوا: مسلم لیگ (ن) نے تحریک انصاف دی وڈی وکٹ ڈیگ دِتی
عمران خان دے قریبی ساتھی طاہر اورکزئی دا (ن) لیگ وچ رلت دا اعلان، چھیتی ای عمران خان تے پرویز خٹک اکَلے ای رہ جان گے: وزیر اعظم دے مشیر امیر مقام

پشاور(پاکستان پوائنٹ نیوز06۔فروری2017ء) خیبر پختونخوا وچ مسلم لیگ (ن) نے تحریک انصاف دی وڈی وکٹ ڈیگ دِتی، عمران خان دے قریبی ساتھی طاہر اورکزئی نے (ن) لیگ وچ رلت دا اعلان کر دِتا اے۔ تفصیل دے مطابق رہنما پی ٹی آئی طاہر اورکزئی نے پشاور پریس کلب وچ وزیر اعظم دے مشیر امیر مقام نال پریس کانفرنس دے دوران مسلم لیگ (ن) وچ رلت دا اعلان کیتا اے۔ وزیر اعظم دے مشیر امیر مقام نے طاہر اورکزئی دی مسلم لیگ (ن) وچ رلت دا خیرمقدم کردے ہوئے آکھیا کہ عمران خان دے سیاسی امیدوار الیکشن توں پہلے غائب ہون لگے نیں۔

اوہناں نے آکھیا کہ عمران خان تے پرویز خٹک آخیر اکلے ای رہ جان گے۔ صوبے دی مَندی صورتحال توں پریشان پی ٹی آئی دے لوک مسلم لیگ (ن) دے قافلے وچ رلتی ہو رہے نیں۔ ایس موقعے اُتے طاہر خان اورکزئی نے آکھیا کہ 20ورھیاں توں عمران خان نال سی پر ہن تحریک انصاف بنیادی نظریے توں ہٹ گئی اے۔