لاہور(پاکستان پوائنٹ نیوز28۔جنوری2017ء) پنجاب سرکار تے ترکی دی پاور کمپنی زولر و انرجی ہولڈنگ وچکار بہاولپور دے قائداعظم سولر پارک وچ سورجی بجلی پلانٹ لان دے سمجھوتے اُتے دستخط ہو گئے۔ ریڈیو پاکستان دی اک رپورٹ دے مطابق 100میگا واٹ اُتے مشتمل سولر پاور پلانٹ نوں چھ مہینیاں وچ لایا جائے گا، جہدے توں لوکائی نوں سستی بجلی ملے گی۔ سمجھوتے اُتے دستخط وزیر اعلا پنجاب میاں محمد شہباز شریف نے کیتے، ایس موقعے اُتے اوہناں دا کہنا سی کہ پنجاب سرکار توانائی دے شعبے وچ ترک کمپنی دی مہارت توں فائدا چُکن دے سلسلے وچ پر امید اے۔
یاد رہوے کہ ایس توں پہلے اپریل 2015وچ وی بہاولپور وچ دنیا دے سبھ توں وڈے 900میگا واٹ دے سورجی بجلی دے منصوبے لئی اک چینی کمپنی نال 1.5ارب ڈالر دا سمجھوتا کیتا گیا سی۔
