اسلام آباد(پاکستان پوائنٹ نیوز28۔جنوری2017ء) وزیر اعظم میاں محمد نواز شریف نے نویںچینی سال دے موقعے اُتے چینی لوکائی، حکومت تے قیادت لئی نیک خاہشاں دا وکھالا کیتا اے۔ تفصیل دے مطابق ہفتے نوں وزیر اعظم ہاﺅس ولوں جاری ہون والے بیان دے مطابق وزیر اعظم میاں محمد نواز شریف نے آکھیا اے کہ چین دی پاکستان اقتصادی راہداری منصوبے وچ رلت دی وجہ توں پاکستان تے چین دے تعلقات ہن پَکے ہو گئے نیں تے ایہ منصوبا دوویں ملکاں وچکار دو پاسی تعلقات پاروں تواریخی ثابت ہووے گا۔
اوہناں نے چین دے نویں ’قمری‘ سال دے شروع اُتے پاکستانی لوکائی تے حکومت ولوں نیک خاہشاں دا وکھالا کیتا۔ یاد رہوے کہ چین وچ نویں سال دے شروع وچ اک اہم فیسٹیول ہوندا اے جو ہر سال دے شروع اُتے منایا جاندا اے۔
