اسلام آباد(پاکستان پوائنٹ نیوز27۔جنوری2017ء) پاناما کیس بارے نجی ٹی وی چینل نال گل بات کرد ے ہوئے اعتزاز احسن نے آکھیا کہ جے پاناما کیس وچ عدالت منی ٹریل معاملات ول سنجیدگی نال غور کردی اے تے عدالت وچ جمع کروائے گئے قطری خط توں ایہ ثابت ہو گیا اے کہ ایہ جھوٹھ اے، اوہناں نے آکھیا کہ عرب ملکاں وچ تیل دی دولت نکلن مگروں پرانے بنک اوتھے پہنچے تے بنکاں دے اوتھے پہنچن مگروں عرب ملکاں اندر بنکاری آسان تے مقبول سی۔
ایہ آکھنا کہ ساڈا سارا کاروبار کیش وچ سی، جھوٹھ تے نہ منن والی گل اے۔ اعتزاز احسن نے آکھیا کہ ایس خط مگروں اک گل واضح ہو گئی کہ کاروبار سی ایہ جھوٹھ اے، تے جے کاروبار سی تے کیش وچ سی ایہ وی جھوٹھ اے۔ اوہناں دا کہنا سی کہ جے قطری شہزادا آپ وی آکے حلف چُک کے اپنے خطاں دیاں تصدیق کرا دیوے تے اوہ وی جیل جا سکدا اے۔
