سپریم کورٹ وچ پاناما کیس دی سنوائی، وزیر اعظم دے پُتراں اپنا جواب جمع کروا دِتا

سپریم کورٹ وچ پاناما کیس دی سنوائی، وزیر اعظم دے پُتراں اپنا جواب جمع کروا دِتا

اسلام آباد(پاکستان پوائنٹ نیوز26۔جنوری2017ء) سپریم کورٹ وچ پاناما لیکس بارے درخاستاں دی سنوائی جاری اے۔ تفصیل دے مطابق اج سپریم کورٹ وچ پاناما لیکس کیس دی سنوائی دے دوران وزیر اعظم دے پُتراں حسن تے حسین نواز نے اپنا جواب جمع کروا دِتا اے۔حسن تے حسین نواز دا جواب اوہناں دے وکیل سلمان اکرم راجا ولوں جمع کروایا گیا۔ جواب دے نال نال کاروبار دیاں تفصیلاں تے ہور دستاویزات وی جمع کروائیاں گئیاں نیں۔

جواب دے متن وچ آکھیا گیا کہ دبئی سٹیل مل بنکاں تے دبئی تے حکومت دے تعاون نال بنائی گئی سی۔ جواب وچ دسیا گیا کہ حماد بن جاسم دا کاروبار دنیا بھر وچ کِھلریا ہویا اے۔ اپنے جواب وچ حسن تے حسین نواز نے قطری شہزدے دے کاروباری دیاں تفصیلاں وی دِتیاں۔ سپریم کورٹ دی اج دی کارروائی وچ قطری شہزادے دا 22دسمبر نوں لکھیا گیا اک ہور اپ ڈیٹ خط وی جمع کروایا گیا۔

دوجا خط پہلے والے خط توں چُکے جان والے سوالاں دے جواب دین لئی لکھیا گیا سی۔ خط دے متن وچ لکھیا گیا سی کہ قطر وچ کیتی گئی سرمایار کاری کیش دی صورت وچ کیتی گئی۔ سرمایا کاری دے ویلے قطر وچ کاروبار کیش دی صورت وچ ای کیتا جاندا سی۔ خط وچ دسیا گیا کہ 2005وچ کاروبار دے ضمرے وچ 80لکھ ڈالر بقایا سن۔ 80لکھ ڈالرز دے بقایا جات نیلسن تے نیسکول دے شیئرز دی صورت وچ دِتے گئے۔