جنرل (ر) راحیل شریف نوں ارباں رُپئے مارلیت دی زمین الاٹ، ارشد شریف نے تفصیلاں دَس دِتیاں

لاہور(پاکستان پوائنٹ نیوز24۔جنوری2017ء) نجی ٹی وی اُتے اپنے پروگرام وچ گل بات کردے ہوئے مشہور پرچار ارشد شریف نے دسیا کہ طلعت حسین نے مائیکرو بلاگنگ ویب سائٹ ٹویٹر اُتے ’روزنامہ پبلک آئی‘ وچ چھپن والی اک رپورٹ نوں شیئر کیتا، رپورٹ وچ لکھیا سی کہ پنجاب حکومت ولوں راحیل شریف نوں 400کینال زمین الاٹ کیتی گئی۔ ارشد شریف دا کہنا سی کہ خبر وچ ایہ لکھیا سی کہ حکومت پنجاب نے جنرل (ر) راحیل شریف نوں زمین الاٹ کیتی اے پر جدوں تحقیقات کیتیاں گئیاں تے کُجھ ہور ای گل ساہمنے آئی۔اوہناں نے دسیا کہ 29دسمبر 2014نوں جنرل راحیل شریف نوں اک زمین الاٹ ہوئی سی ، ایہ زمین راحیل شریف نوں جی ایچ کیو ولوں دِتی گئی جیویں کہ 4سٹار جنرل دا استحقاق ہوندا اے۔ انج دے کیساں دی اجازت لینڈ ڈائریکٹوریٹ جی ایچ کیو ولوں دِتی جاندی اے۔ اجازت ناما بارڈر ایریا کمیٹی نوں گھلیا جاندا اے جتھوں فیر زمین الاٹ کیتی جاندی اے۔ زمین دی نشان کاری دے بعد زمین اوس علاقے دے کلیکٹر راہیںافسر نوں منتقل کیتی جاندی اے۔