اسلام آباد(پاکستان پوائنٹ نیوز19۔جنوری2017ء) بی بی سی انتظامیا نے اپنے پلیٹ فارم توں پارک لین فلیٹاں دی خبر نوں غلط انداز وچ چلان والے رپورٹر خلاف تحقیقات شروع کر دِتیاں، پی ٹی آئی نے اک پرانی خبر نوں نویں خبر دے طور اُتے پیش کرن لئی اطہر کاظمی راہیں بی بی سی نوں نقصان پہنچایا، رپورٹر اطہر کاظمی پاکستان دی اک سیاسی جماعت ہتھوں کھڈونا بنیا، اوہنوں جہانگیر ترین دے انٹرویو دی اجازت وی نہیں دِتی گئی سی، جہانگیر تین نے رپوٹر نوں آکھیا سی کہ اوہ بی بی سی دی ویب سائٹ اُتے کوئی اجیہی شے چلائے جہدی غلط ورتوں ہو سکے، ایہ اوہی رپورٹر اے جو اک چینل وچ کم کردا ہویا پارلیمنٹ دے باہر عمران خان دے بھتیجے حسن نیازی نال مولانا فضل الرحمان اُتے حملے وچ وی ملوث سی، بی بی سی وچ ڈاڈھے معتبر وسیلیاں نے ایس گل دی تصدیق کیتی اے کہ رپورٹر اظہر کاظمی اُتے بی بی انتظامیا دا الزام اے کہ اوہ اک پرانی خبر نوں نویں خبر دے طور اُتے اپ لوڈ کر کے پاکستان دی اک سیاسی جماعت ہتھوں کھڈونا بنے۔
بی بی سی نے ایس گل دی تصدیق کیتی اے کہ اطہر کاظمی نوں جہانگیر ترین دے انٹرویو دی اجازت نہیں دِتی گئی،بی بی سی نوں ایس گل اُتے پریشانی اے کہ اوہدے پلیٹ فارم نوں پارک لین دے فلیٹاں بارے پرانی خبر نوں نویں خبر دے طور اُتے ورتیا گیا۔ بی بی سی نے رپورٹر خلاف اندرونی تحقیقات شروع کر دِتیاں نیں، جہدے اُتے بی بی سی نے الزام لایا اے کہ اوہ وزیر اعظم نواز شریف دے پُتراں دی ملکیت پارک لین دے فلیٹاں دی اک خبر نوں بی بی سی دے پلیٹ فارم توں غلط طور اُتے ورت رہیا اے۔
