ملائیشیا توں ملک بدر کیتے جان والے 60پاکستانی ملک واپس پہنچ گئے

لاہور(پاکستان پوائنٹ نیوز19۔جنوری2017ء) سعودی عرب مگروں ملائیشیا توں ملک بدر کیتے جان والے 60پاکستانی لاہور اَپڑ گئے۔ لاہور اَپڑن والے 60پاکستانیاں نے لاہور دے علامہ اقبال انٹرنیشنل ائر پورٹ اُٹے میڈیا نال گل بات کردے ہوئے آکھیا کہ اوہناں نوں اک کمپنی نے ورکنگ ویزے اُتے ملائیشیا گھلیا جہنوں اوہناں نے 3لکھ رُپئے دِتے۔ متاثرین دے مطابق جدوں اوہ ملائیشیا گئے تے پتا لگا کہ کمپنی دیوالیا ہو گئی اے، تن مہینے قید دی سزا کٹی جہدے بعد سانوں ملک بدر کر دِتا گیا۔ متاثرا بندیاں نے پاکستانی حکومت نوں کمپنی خلاف کارروائی کرن دا مطالبا کیتا۔