اسلام آباد(پاکستان پوائنٹ نیوز18۔جنوری2017ء) اپوزیشن لیڈر قومی اسمبلی سید خورشید شاہ دے اکاﺅنٹ وچ 10کروڑ رُپئے جمع ہو گئے جہدے اُتے اوہناں حیرانگی و پریشانی دا وکھالا کیتا۔ تفصیل دے مطابق قومی اسمبلی وچ اپوزیشن لیڈر دے اکاﺅنٹ وچ 10کروڑرُپئے جمع ہوئے جہدے بارے خورشید شاہ نے لاعلمی دا وکھالا کیتا۔ چیمبر آن اُتے سٹاف نے ایس ایم ای بنک دا ٹی ڈی آر خورشید شاہ ساہمنے رکھیا۔
اکاﺅنٹ وچ 10کروڑ جمع ہون دا پتا لگدے ای اوہ حیران ہو گئے۔ خورشید شاہ نے اپنی ٹیم نوں فوری طور اُتے بنک نال رابطے لئی آکھیا۔ بنک حکام نے ایس ٹی ڈی آر نوں جعلی قرار دیندے ہوئے آکھیا کہ ساڈے ولوں کوئی ڈیپازٹ رسید جاری نہیں کیتی گئی۔ خورشید شاہ نے ایس دوران اپنی ٹیم نوں ایف آئی اے نوں خط لکھن دی ہدایت کیتی تے آکھیا کہ پتا چلایا جائے کہ ایس جعلی ڈیپازٹ دے پچھے کون اے؟ ایہ وی پتا لایا جائے کہ 10کروڑ دے جعلی ڈیپازٹ دا مقصد ہو سکدا اے۔
