اسلام آباد(پاکستان پوائنٹ نیوز18۔جنوری2017ء) نجی ٹی وی چینل دے اک پروگرام وچ گل بات کردے ہوئے مشہور پرچاکار صابر شاکر نے دسیا کہ مسلم لیگ (ن) نے پاکستان تحریک انصاف وچ اک نواں جاوید ہاشمی لبھنا شروع کر دِتا اے۔صابر شاکر نے دسیا کہ مسلم لیگ (ن) ہر قیمت اُتے پاکستان تحریک انصاف وچ اک ہور جاوید ہاشمی یعنی باغی نوں کڈھنا چاہندی اے جہدے لئی مسلم لیگ (ن) نے کوششاں دے نال نال انوسٹمنٹ اُتے وی غور شروع کر دِتا اے۔
صابر شاکر نے دسیا کہ مسلم لیگ (ن) کدی وی جاوید ہاشمی نوں دوبارا تحریک انصاف خلاف نہیں ورتے گی بلکہ اوہدے لئی جہانگیر ترین تے شاہ محمود قریشی دے ناں ساہمنے آ رہے نیں۔ صابر شاکر دا کہنا سی کہ خواجا سعد رفیق دے مونہوں شاہ محمود قریشی دا ناں وی نکل گیا اے جدوں میڈیا نال گل بات کردے ہوئے اوہناں نے آکھیا کہ عمران خان تے نہیں پر شاہ محمود قریشی پارلیمنٹ دے آداب تے قانون توں واقف نیں۔ صابر شاکر نے آکھیاکہ مسلم لیگ (ن) پاکستان تحریک انصاف دے کسے رہنما نوں خریدن دی کوشش کر رہی اے۔ اوہناں نے ہور کیہ آکھیا تُسیں وی سنو!
