مری وچ برف باری دا سلسلا دوبارا شروع، مال روڈ اُتے ہزاراں سیاح پھس گئے

اسلام آباد(پاکستان پوائنٹ نیوز18۔جنوری2017ء) مری وچ برف باری دا سلسلا دوبارا شروع ہو گیا، مال روڈ اُتے ہزاراں سیاح پھس گئے۔ نجی ٹی وی چینل دے مطابق ملکہ کوہسار مری وچ برف باری دا سلسلا دوبارا شروع ہون کارن سردی دی شدت وچ وادھا ہو گیا اے جدکہ سیاحاں دی وڈی گنتی برف باری ویکھن مری پہنچ گئی جہدے بعد مری جان والے کئی راہ بند ہو گئے تے سیاحاں دی وڈی گنتی مال روڈ اُتے پھس کے رہ گئی۔ ٹریفک پولیس حکام دا کہنا اے کہ سیاحاں دی وڈی گنتی پاروں ٹریفک دا نظام ڈاڈھا متاثر ہو یا اے۔ حکام نے لوکاں توں اپیل کیتی اے کہ اوہ اوکڑاں توں بچن لئی مری نہ آن۔