جس دن نواز شریف نے سچ بول دِتا اوہ دن اوہدی سیاست دا آخری دن ہووے گا: شیخ رشید دی اک ہور پیشنگوئی

جے نواز شریف نے منی ٹریل دَس دِتی تے میں اپنا کیس سپریم کورٹ توں واپس لے لواں گا: عوامی مسلم لیگ دے سربراہ دی میڈیا نال گل بات

جس دن نواز شریف نے سچ بول دِتا اوہ دن اوہدی سیاست دا آخری دن ہووے گا: شیخ رشید دی اک ہور پیشنگوئی
جے نواز شریف نے منی ٹریل دَس دِتی تے میں اپنا کیس سپریم کورٹ توں واپس لے لواں گا: عوامی مسلم لیگ دے سربراہ دی میڈیا نال گل بات

اسلام آباد(پاکستان پوائنٹ نیوز17۔جنوری2017ء) عوامی مسلم لیگ دے سربراہ شیخ رشید نے آکھیا اے کہ ایس ملک دا اصل مسئلا ایہ اے کہ ملک اُتے چوراں دی حکومت اے۔ سپریم کورٹ دے باہر میڈیا نال گل بات کردے ہوئے شیخ رشید نے آکھیا کہ ایہ لوک سپریم کورٹ وچ آکھدے نیں کہ ایہناں نوں استثنی حاصل اے جدکہ قومی اسمبلی وچ آ کے آکھدے نیں کہ ساڈی تلاشی لے لوو۔ اوہناں نے آکھیا کہ قومی اسمبلی وچ ایہ لوک آکھ چکے نیں کہ اسیں احتساب لئی تیار آں تے اسیں جو کُجھ آکھیا اے اوہدے ثبوت موجوود نیں۔

شیخ رشید نے پیشنگوئی کردے ہوئے آکھیا کہ میں آکھنا واں کہ جس دن نواز شریف نے سچ بول دِتا اوہ دن نواز شریف دی سیاست دا آخری دن ہووے گا۔ میڈیا نال گل بات کردے ہوئے شیخ رشید نے آکھیا کہ نواز شریف 20کروڑ لوکاں دا مذاق اُڈا رہے نیں۔ اوہناں نے آکھیا کہ جے نواز شریف منی ٹریل دَس دین تے میں اپنا کیس واپس لے لواں گا ۔ اوہناں دا کہنا سی کہ جے نواز شریف انج کرن وچ ناکام رہے تے میں قبر دی کندھ تک پاناما، پاناما، پاناما آکھدا رہواں گا۔