آرمی چیف جنرل قمر جاوید باجوہ دی چینی سفیر سن وی ڈونگ نال ملاقات

راولپنڈی(پاکستان پوائنٹ نیوز13۔جنوری2017ء) آرمی چیف جنرل قمر جاوید باجوہ دی چینی سفیر سن وی ڈونگ نال ملاقات ہوئی۔ آئی ایس پی آر دے مطابق ملاقات دوران خطے دی سکیورٹی صورتحال اُتے تفصیلی گل بات کیتی گئی۔ آرمی چیف نال ملاقات وچ چینی سفیر نے دوویں ملکاں دے سانجھے، خاص کر دفاعی امور اُتے تفصیل نال وچار وٹاندرا کیتا۔ آئی ایس پی آر دے مطابق ملاقات وچ سی پیک منصوبے دے سکیورٹی انتظامات اُتے وی غور کیتا گیا۔ چینی سفیر نے پاک چین اقتصادی راہداری منصوبے دی سکیورٹی اُتے مکمل اطمینان دا وکھالا کیتا۔ چینی سفیر نے انتہا پسندی تے دہشت گردی خلاف پاک فوج دیاں کوششاں نوں وی سلاہیا۔