لاہور بورڈ نے انٹرمیڈیٹ دے ضمنی امتحان دے نتیجے دا اعلان کر دِتا

لاہور(پاکستان پوائنٹ نیوز12۔جنوری2017ء) لاہور بورڈ آف انٹرمیڈیٹ اینڈ سیکنڈری ایجوکیشن نے انٹرمیڈیٹ دے ضمنی امتحان دے نتیجے دا اعلان کر دِتا، 34ہزار پڑھیاراں وچوں 10ہزار 358پاس ہوئے، کامیابی دا تناسب 30.23فیصد رہیا۔ تفصیل دے مطابق لاہور بورڈ نے انٹرمیڈیٹ ضمنی امتحان 2016دے سالہوار نتیجے دا اعلان کر دِتا اے۔ ترجمان لاہور بورڈ دے مطابق چالو ورھے امتحان وچ 34264پڑھیاراں نے رلت کیتی جہناں وچوں 10358نے امتحان وچ کامیابی حاصل کیتی۔ ایس طرحاں انٹر ضمنی امتحان وچ کامیابی دا تناسب 30.23فیصد رہیا۔ ترجمان لاہور بورڈ مطابق نتیجے بارے ہور تفصیلاں لاہور بورڈ دی ویب سائٹ توں لِتیاں جا سکدیاں نیں۔