اسلام آباد(پاکستان پوائنٹ نیوز12۔جنوری2017ء) وفاقی وزیر داخلا چودھری نثار علی خان نے آکھیا اے کہ کراچی وچ امن و امان ، شہریاں نوں جان و مال دا تحفظ دین تے جرماں دی شرح وچ کمی لیان وچ رینجرز نے اہم کردار ادا کیتا اے۔ وزارت داخلا ولوں جاری بیان مطابق وزیر داخلا چودھری نثار علی خان نال ڈی جی رینجرز سندھ میجر جنرل محمد سعید نے ملاقات کیتی ۔
ملاقات دوران ڈی جی رینجرز سندھ نے کراچی دی صورتحال بارے بریفنگ دِتی۔ وزیر داخلا نے میجر جنرل محمد سعید نوں ڈی جی رینجرز سندھ دا عہدا سنبھالن اُتے مبارک دِتی۔ اوہناں نے آکھیا کہ کراچی وچ امن وا مان لیان، شہریاں نوں جان و مال دا تحفظ دین تے جرماں دی شرح وچ کمی لیان وچ رینجرز نے اہم کردار ادا کیتا۔ اوہناں نے آکھیا کہ فرض نبھان تے امن و امان لیان دے سلسلے وچ وفاقی حکومت ولوں رینجرز دی مکمل سپورٹ تے ہر ممکنا مدد جاری رہوے گی۔
