اسلام آباد(پاکستان پوائنٹ نیوز11۔جنوری2017ء) وزیر اعظم محمد نواز شریف نے آکھیا اے کہ سارے بال نواز شریف دی جان نیں، بال پاکستان دے مستقبل دے رکھوالے نیں، اسلام آباد تعلیم دے لحاظ نال اک ماڈل شہر ہونا چاہیدا، آن والے ویلے وچ اسلام آباد دنیا دا خوبصورت ترین شہر ہووے گا، سکولاں وچ جا کے تعلیم دا معیار آپ چیک کراں گا، بالاں دے داخلیاں تے اُستاداں دیاں بھرتیاں میرٹ اُتے ہونیاں چاہیدیاں، بساں دی فراہمی دے نتیجے وچ بالاں دے ماں پیو دی پریشانی ختم ہو جائے گی۔
اوہ بدھ نوں اسلام آباد وچ تعلیمی اصلاحات پروگرام دے حوالے نال تقریب نال خطاب کر رہے سن۔ اوہناں نے آکھیا کہ بال معصوم تے من دے سچے ہوندے نیں۔ سارے بال نواز شریف دی جان نیں مینوں سارے بالاں اُتے فخر اے۔ دعا اے کہ اللہ بالاں نوں پاکستان دی خدمت دے قابل بنائے۔ بال پاکستان دے مستقبل دے معمار نیں، اسیں پاکستان لئی جو کیتا بال اوہدے توں سو گنا ودھ کرن گے۔
وزیر اعظم نے آکھیا کہ سکولاں وچ تعلیم دا معیار بہت اعلا ہونا چاہیدا، پڑھ لکھ کے جدوں بال کسے عہدے اُتے پہنچن تے اوہناں نوں کرسی اُتے بِہن دا مزا آئے گا۔ اوہناں دا کہنا سی کہ اسیں تے تُسیں خوبصورت پاکستان بناواں گے کہ ایس خدمت اُتے تہانوں فخر ہووے گا، بساں دی فراہمی نال بالاں دے ماں پیو دی پریشانی ختم ہو جائے گی، سکولاں دیاں عمارتاں خوبصورت تے ماحول بہترین ہونا چاہیدا۔
وزیر اعظم دا کہنا سی کہ بالاں دے داخلیاں تے اُستاداں دیاں بھرتیاں میرٹ اُتے ہونیاں چاہیدیاں۔ اوہناں دا کہنا سی کہ باقی اک سو 30بساں وی جلدی سکولاں نوں دِتیاں جان گیاں۔ 422سکولاں لئی 422بساں ہونیاں چاہیدیاں۔ اسلام آباد تعلیم دے لحاظ نال اک ماڈل شہر ہونا چاہیدا۔ اوہناں نے آکھیا کہ میں میئر اسلام آباد نو ں ہدایت کیتی اے کہ اسلام آباد شہر دیاں گلیاں تے سٹریٹ لائٹس بہترین بناﺅ۔
وزیر اعظم دا کہنا سی کہ بال معصوم تے دل دے سچے ہوندے نیں۔ سارے بال نواز شریف دی جان نیں، مینوں سارے بالاں اُتے فخر اے۔ دعا اے کہ اللہ بالاں نوں پاکستان دی خدمت دے قابل بنائے۔ اوہناں دا کہنا س کہ ایہ بال پاکستان دے مستقبل دے معمار نیں، اسیں پاکستان لئی جو کیتا بال اوہدے توں سو گنا زیادا کرن گے۔ وزیر اعظم نے آکھیا کہ آن والے ویلے وچ اسلام آباد دنیادا خوبصورت ترین شہر ہووے گا۔
اوہناں دا کہنا سی کہ مریم نواز بالاں دی تعلیم اُتے اُچیچی توجہ دے رہی اے۔ بال نواز شریف دے دل دی دھڑکن نیں۔ وزیر اعظم نے آکھیا کہ دعا کرنا واں کہ اللہ تعالی ساریاں نوں پاکستان دی خدمت دی توفیق دیوے۔ ایس موقعے اُتے وزیر اعظم نے مختلف سکولاں دے بالاں نوں بساں دیاں چابیاں دِتیاں تے ماڈل بس دا کیک کٹیا۔ ایس توں وکھ وزیر اعظم نے سکول بس وچ بِہ کے بس دا معائنا وی کیتا۔
