ٹیلی نار نے پاکستان بھر وچ اپنے سیلز اینڈ سروسز سینٹر بند کرن دا فیصلا کر لیا

ٹیلی نار نے پاکستان بھر وچ اپنے سیلز اینڈ سروسز سینٹر بند کرن دا فیصلا کر لیا

اسلام آباد(پاکستان پوائنٹ نیوز05۔جنوری2017ء) ٹیلی کام کمپنی، ٹیلی نار نے پاکستان بھر وچ اپنے سیلز اینڈ سروسز سینٹر بند کرن دا فیصلا کرلیا اے، جہدے بعد ٹیلی نار کمپنی دے دفتراں وچ کم کرن والے سارے ملازم اپنیاں نوکریاں توں ہتھو دھو بِہن گے۔ تفصیل دے مطابق ملک بھر وچ کمپنی دی ملکیت 17سروسز سینٹر بند کرن دے بعد ملک دے مختلف حصیاں وچ موجود 289فرنچائز ورتیندڑاں نوںسہولتاں فراہم کرن گیاں۔

ٹیلی نار دا کہنا اے کہ سروسز سینٹر نہ ہون دی صورت وچ خلا نوں پُر کرن لئی فرنچائز نوں جدید آلات نال لیس کیتا جا رہیا اے۔ ایس توں وکھ ٹیلی نار دا مننا اے کہ اوہدے ورتیندڑ اپنیاں اوکڑاں دا حل وی آپے ای کڈھن گے جدکہ مدد لئی سیلف کیئر ایپلی کیشن تے ’ہیلپ لائن‘ توں مدد لِتی جا سکے گی۔ کمپنی دا کہنا اے کہ ایس سارے معاملے وچ تقریبن 200ملازم متاثر ہون گے جہناں نوں اپنیاں نوکریاں توں ہتھ دھونا پئے گا۔ ٹیلی نار دے مطابق ،اہل ملازماں نوں اوہناں دے الاﺅنسز سنے ہور سہولتاں دِتیاں جان گیاں۔ ٹیلی نار دا کہنا اے کہ ایس پراسیس نوں پدھر کرن لئی متاثر ہون والے ملازماں نوں سپورٹ کیتا جائے گا۔