لاہور(پاکستان پوائنٹ نیوز04۔جنوری2017ء) وزیر اعلا پنجاب شہباز شریف نے لاپرواہی ورتن اُتے جناح ہسپتال دے ایم ایس نوں فوری طور اُتے معطل کرن دا حکم دیندے ہوئے ذمے وار ڈاکٹراں تے ہور عملے خلاف وی سخت ترین کارروائی دی ہدایت کر دِتی۔ تفصیل دے مطابق وزیر اعلا پنجاب شہباز شریف دی صدارت ہیٹھ اعلا سطح دا اجلاس ہویا، اجلاس وچ جناح ہسپتال لاہور اندر سوانی دے ہلاک ہون دے معاملے دی مڈھلی انکوائری رپورٹ پیش کیتی گئی۔
میڈیا رپورٹس دے مطابق تن رکنی انکوائری کمیٹی نے مڈھلی رپورٹ وچ ایم ایس جناح ہسپتال ظفر یوسف تے ڈیوٹی اُتے موجود سٹاف نوں ذمے وار آکھیا۔ اجلاس وچ وزیر اعلا پنجاب نے مناسب علاج نہ ملن تے سوانی دے ہلاک ہون اُتے ڈاڈھی خفگی دا اظہار کردے ہوئے ایم ایس ظفر یوسف نوں فوری معطل کرن دا حکم دے دِتا جدکہ ذمے وار ڈاکٹراں تے ہور عملے خلاف وی سخت کارروائی دی ہدایت کیتی۔ وزیر اعلا پنجاب نے سارے ذمے واراں خلاف محکمانا کارروائی وی عمل وچ لیان دی ہدایت کیتی۔
