بھارتی ایجنسیاں نے پاکستانی موبائل فون ہیک کرن دیاں کوششاں شروع کر دِتیاں

نیشنل ٹیلی کام اینڈ انفارمیشن ٹیکنالوجی سکیورٹی بورڈ ولوں ایڈوائزری الرٹ جاری

بھارتی ایجنسیاں نے پاکستانی موبائل فون ہیک کرن دیاں کوششاں شروع کر دِتیاں
نیشنل ٹیلی کام اینڈ انفارمیشن ٹیکنالوجی سکیورٹی بورڈ ولوں ایڈوائزری الرٹ جاری

کراچی(پاکستان پوائنٹ نیوز02۔جنوری2017ء) بھارت دی اک ہور سازش دا انکشاف ہویا اے، بدنام زمانا بھارتی خفیہ ایجنسیاں نے واٹس ایپ ویڈیو کال آپشن دے ذریعے پاکستانی موبائل فون ہیک کرن دیاں کوششاں شروع کر دِتیاں نیں، نیشنل ٹیلی کام اینڈ انفارمیشن ٹیکنالوجی سکیورٹی بورڈ نے ایڈ وائزری الرٹ جاری کر دِتا۔ تفصیل دے مطابق اک پاسے بھارت دا جنگی جنون تے دوجے پاسے سازشی دماغ، پاکستان خلاف آبی تے سرحدی جارحیت دے بعد ہن بھارت نے آئی ٹی میدان وچ وی دہشت گردی شروع کر دِتی۔

ملک بھر وچ سمارٹ موبائل فون ورتن والے ورتیندڑ ہوشیار ہو جان کیوں جے نیشنل ٹیلی کام اینڈ انفارمشین ٹیکنالوجی سکیورٹی بورڈ نے ایڈوائزری الرٹ جاری کر دِتا۔ جہدے مطابق بھارتی خفیہ ایجنسیاں نے ممبئی توں پاکستانی سمارٹ موبائل فون ہیک کرن دیاں کوششاں شروع کر دِتیاں نیںجہدے بعد تہاڈا سارا ڈیٹا غیر محفوظ ہو جائے گا۔ الرٹ وچ آکھیا گیا اے کہ شہری واٹس ایپ ویڈیو کال دے کسے لنک نوں کلک نہ کرن، جے کسے نے واٹس ایپ ویڈیو کال دا لنک کھولیا تے اوہ چھیتی ای اپنے موبائل نوں ریسیٹ کر الین، انج نہ کرن دی صورت وچ تہاڈا فون غیر محفوظ ہو جائے گا۔ الرٹ وچ ہدایت کیتی گئی اے کہ واٹس ایپ نوں وی صرف گوگل پلے سٹور توں ای انسٹال کیتا جائے۔