دھرنے دوران پارلیمنٹ اُتے قبضہ کرنا ساڈا پلان سی: چودھری شجاعت

اسلام آباد(پاکستان پوائنٹ نیوز02۔جنوری2017ء) نجی ٹی وی چینل دے اک پروگرام وچ گل بات کردے ہوئے مسلم لیگ (ق) دے رہنما چودھری شجاعت حسین دا کہنا سی کہ دھرنے دوران پارلیمنٹ اُتے قبضہ کرن دا پلان سی پر جوڈیشل مارشل لاءدے حوالے نال مینوں کجھ پتا نہیں اے پر جاوید ہاشمی دے ذہن وچ ایسراں دا کجھ ہوئے تے پتا نہیں۔ چودھری شجاعت حسین نے آکھیا کہ کوئی حکومت نوں ڈِگانا چاہندا اے تے کوئی قبضہ کرن دا خاہشمند اے۔ یاد رہوے کہ ایس توں پہلے جاوید ہاشمی وی ایس گل دا انکشاف کر چکے نیں کہ دھرنے وچ پارلیمنٹ اُتے قبضے دا منصوبا بنایا گیا سی۔ جاوید ہاشمی نے ہور آکھیا کہ اوہناں نوں چیف جسٹس دی مدد نال جوڈیشل مارشل لا دی خبر دِتی گئی سی۔ دوجے پاسے عمران خان نے ایس طرحاں دیاں ساریاں گلاں نوں رَد کر دِتا اے۔