لاہور(پاکستان پوائنٹ نیوز30۔دسمبر2016ء) پنجابی سنگت پاکستان دے 2017لئی الیکشن پہلی جنوری نوں ہون گے جہدے وچ جنرل سیکرٹری لئی ریحان چودھری تے ناصر ادیب ناصر جدکہ جوائنٹ سیکرٹری لئی چاند شکیل تے آسیہ اکبر اک دوجے دے مقابلے وچ نیں۔ الیکشن دے حوالے نال نجی ٹی وی چینل دے اک پروگرام وچ گل بات کردے ہوئے نوجوان پنجابی شاعر، امیدوار برائے جوائنٹ سیکرٹری چاند شکیل دا کہنا سی کہ اسیں الیکشن دی بھرپور تیاری کر رہے آں تے ساڈے الیکشن لڑن دا مقصد پنجابی زبان دی ترقی لئی کم کرنا اے۔
اوہناں نے آکھیا کہ اسیں پنجابی زبان دی ترقی دا مقصد لے کے میدان وچ آئے آں۔ اک سوال دے جواب وچ اوہناں نے آکھیا کہ اسیں ایس پلیٹ فارم نوں ورتدے ہوئے ایسے لوکاں نوں ساہمنے لیاواں گے جو عام لوکائی دیاں نظراں توں دور نیں۔ یاد رہوے کہ پنجابی سنگت پاکستان دے الیکشن پہلی جنوری 2017نوں پنجاب کیفے پنجابی کمپلیکس1قذافی سٹیڈیم لاہور ہو رہے نیں۔
