کراچی(پاکستان پوائنٹ نیوز30۔دسمبر2016ء) سابق سپیکر قومی اسمبلی فہمیدہ مرزا تے ذوالفقار علی مرزا دی تحریک انصاف دے چیئرمین عمران خان نال ملاقات ہوئی اے، ملاقات دوران سیاسی صورتحال اُتے وچار وٹاندا کیتا گیا۔ وسیلیاں دے مطابق عمران خان نے ایس موقعے اُتے سابق وزیر داخلا سندھ ذوالفقار مرزا نال گل بات وی کیتی۔ گل بات دوران عمران خان نے آکھیا کہ آن والے الیکشن وچ ملک اندر وڈی تبدیلی ویکھ رہیا واں جدکہ ایس موقعے اُتے فہمیدہ مرزا نے کراچی وچ شوکت خانم ہسپتال تعمیر کرن اُتے عمران خان دی تعریف کردے ہوئے آکھیا کہ تُسیں کینسر ہسپتال دی نینہ رکھن دا اک وڈا کم کیتا اے، شوکت خانم ملک دا سبھ توں وڈا کینسر ہسپتال اے۔
عمران خان نے گل بات کردے ہوئے ہور آکھیا کہ انتخابات توں پہلے ساڈی پارٹی دی توجہ سندھ اُتے زیادا ہووے گی۔ وسیلیاں نے دسیا کہ عمران خان ڈاکٹر ذوالفقار مرزا نوں تحریک انصاف وچ رلت دی دعوت دینا چاہندے سن پر تعزیتی تقریب ہون دی وجہ توں سیاسی گل نہ کیتی جاسکی۔ وسیلیاں دے مطابق عمران خان ولوں دوویں اہم سیاسی شخصیتاں نوں پارٹی وچ رلت دا پیغام دتے جان دا امکان اے۔
