ملالہ اُتے حملے دے بعد میری زندگی بدل گئی: حامد میر

ملالہ اُتے حملے دے بعد میری زندگی بدل گئی: حامد میر

اسلام آباد(پاکستان پوائنٹ نیوز30۔دسمبر2016ء) پاکستان دے مشہور پرچا کار و تجزیا نگار حامد میر نے آکھیا اے کہ ملالہ یوسفزئی اُتے حملے دے بعد میری زندگی بدل گئی۔ پرچا کاراںلئی کمیٹی برائے تحفظ (سی پی جے) نے پچھلے دِنا ای اپنی سالانا رپورٹ جاری کیتی۔ 2001دے بعد ایہ پہلی وار اے کہ کمیٹی دی سالانا رپورٹ وچ کسے ایسراں دے پرچاکار دا ناں شامل نہیں سی جہنوں پرچا کاری ذمے واریاں نبھان دی وجہ توں نشانا بنایا گیا ہووے۔

پرچا کاراں ولوں چالوورھے میڈیا دی آزادی دا سال وی قرار دِتا گیا۔ حامد میر نال اک ٹیلی فونک رابطے وچ جدوں اوہناں دے تجربے بارے پُچھیا گیا تے اوہناں نے آکھیا کہ 2012وچ پولیس نے میری گڈی ہیٹھوں بم برآمد کر کے ناکارا بنایا، اودوں میری جان بچ گئی سی۔ اوہناں نے دسیا کہ 2012وچ ملالہ یوسفزئی اُتے حملے دے بعد میری زندگی بالکل بدل گئی۔ملالہ یوسفزئی دی حمایت اُتے تحریک طالبان پاکستان نے مینوں دھمکیاں وی دِتیاں۔

یاد رہوے کہ حامد میر ملالہ یوسفزئی دا انٹرویو کرن والے پہلے پرچا کار سن۔ اوہناں نے آکھیا کہ طالبان نے ملالہ بارے جدوں غلط زبان ورتی، کیونکہ اوہ میری دھیاں ورگی اے، ایس لئی میں ڈاڈھی لفظاں وچ ٹی ٹی پی نوں جواب دِتا، بھاویں میں ردعمل زیادا دِتا سی پر ایہ ردعمل جذباتی وی سی۔ یاد رہوے کہ اپریل 2014نوں حامد میر دی گڈی اُتے شاہراہ فیصل نیڑے نامعلوم بندےاں نے فائرنگ کیتی، فائرنگ دے نتیجے وچ اوہ ڈاڈھے زخمی ہو گئے سن۔