لاہور(پاکستان پوائنٹ نیوز30۔دسمبر2016ء) نجی ٹی وی چینل دے اک پروگرام وچ گل بات کردے ہوئے مبشر لقمان نے 2016وچ بدترین اینکرز دی اک فہرست شیئر کیتی، اوہناں دا کہنا سی کہ 2016دوران ریحام خان سبھ توں بُری اینکر ثابت ہوئی، عمران خان نال ویاہ دے بعد اوہناں نوں ریٹنگ ملی پر عمران خان توں طلاق دے فوری بعد ای اوہناں اُتے ایس طرحاں دا ویلا آیا کہ چینل نے وی اوہناں نوں خدا حافظ آکھ دِتا۔
جاوید چودھری بارے مبشر لقمان دا کہنا سی کہ اوہناںد ے طریقے وچ پیشنگوئیاں دا طریقا آ گیا اے اوہ کہانی سنا کے ای پروگرام شروع تے ختم کردے نیں جہدی وجہ توں اوہناں دا اوہ مقام نہیں رہیا جو پہلے کدی ہوندا سی کیوں جے اوہناں دی شہرت دی وجہ کالمز نیں۔ طلعت حسین نوں تنقید دا نشانا بناندے ہوئے مبشر لقمان نے آکھیا کہ طلعت حسین نے اپنے پروگرام دا ناں تے ’نیا پاکستان‘ رکھ لیا پر اوہ تحریک انصاف تے عمران خان دیاں برائیاں کردے رہے۔ اوہناں نے ہور آکھیا کہ طلعت حسین اک ویلے وچ مقبول سن پر پچھلے کجھ ورھیاں توں اوہناں دی مقبولیت دا گراف ڈِگ گیا اے۔ مبشر لقمان نے اپنے پروگرام وچ ہور کہڑے پروگرام اینکرز نوں تنقید دا نشانا بنایا تُسیں وی سُنو!
