کراچی پولیس دے رویے توں تنگ بھکاری نے آئی جی سندھ نوں خط لکھ دِتا

اہلکاراں دے ظلم توں نجات دوان تے متعلقااہلکاراں دے تبادلے دامطالبا

کراچی پولیس دے رویے توں تنگ بھکاری نے آئی جی سندھ نوں خط لکھ دِتا
اہلکاراں دے ظلم توں نجات دوان تے متعلقااہلکاراں دے تبادلے دامطالبا

کراچی(پاکستان پوائنٹ نیوز30۔دسمبر2016ء) کراچی پولیس دے رویے توں تنگ اک بھکاری نے آئی جی سندھ نوں خط لکھ دِتا، اہلکاراں دے ظلم توں نجات تے متعلقااہلکااں دے تبادلے دا مطالبا۔ تفصیل دے مطابق پولیس خلاف بھکاری ایکشن وچ آ گئے، اک فقیر نے آئی جی سندھ نوں درخاست لکھ دِتی، فقیر نے اپنی درخاست وچ پولیس اہلکاراں دی شکایت کردے ہوئے آکھیا اے کہ صدر دے اک اک چوک اُتے تن تن اہلکار ہوندے نیں، ایہناں اہلکاراں دی بدلی کیتی جائے کیوں جے ایہ منگن والیاں نوں فضول تنگ کردے نیں۔

خط وچ آکھیا گیا کہ پولیس اہلکار ڈیوٹی کرن دی بجائے بُڈھے تے معذور بھکاریاں نوں تنگ کردے نیں، اوہناں نوں چوک اُتے منگن نہیں دیندے۔ خط وچ الزام لایا گیا اے کہ پولیس اہلکار شہر دے اہم چوکاں اُتے اپنے خاص فقیراں نوں کھڑا رہن دیندے نیں جدکہ باقی لوکاں نوں دوجی تھاں گھل دیندے نیں جتھوں خیر وی نہیں پیندی۔ خط لکھن والے فقیر نے آئی جی سندھ توں درخاست کیتی اے پولیس اہلکاراں نوں حکم دِتا جائے کہ اوہ سانوں تنگ نہ کرن۔