پی ٹی آئی چیئرمین عمران خان نے کراچی وچ شوکت خانم ہسپتال دی نینہ رکھ دِتی

کراچی(پاکستان پوائنٹ نیوز29۔دسمبر2016ء) پی ٹی آئی چیئرمین عمران خان نے کراچی وچ شوکت خانم ہسپتال دی نینہ رکھ دِتی۔ تفصیل دے مطابق عمران خان نے سپر ہائی وے اُتے شوکت خانم کینسر ہسپتال دی نینہ رکھی۔ ایس موقعے اُتے چیئرمین تحریک انصاف عمران خان نال کراچی دی پارٹی قیادت وی موجود سی۔ عمران خان نے ہسپتال دا نینہ پتھر 10ورھیاں دے بال ولید احمد کولوں رکھوایاجو کینسر دے علاج لئی شوکت خانم میموریل ہسپتال لاہور وچ داخل اے۔ کراچی وچ شوکت خانم کینسر ہسپتال لئی 20ایکڑ زمین رکھی گئی اے جدکہ ہسپتال دی اُساری اُتے 4.5ارب رُپئے خرچا آئے گا۔