اسلام آباد(پاکستان پوائنٹ نیوز28۔دسمبر2016ء) وفاقی حکومت نے بحرین دے بادشاہ شیخ حمادبن عیسی تے شاہی خاندان دے ہور بندیاں نوں تلور دے شکار لئی پرمٹ جاری کر دِتے۔ نجی ٹی وی دے مطابق قطری شہزادیاں دے بعد وفاقی حکومت نے عرب ملک بحرین دے شاہی خاندان نوں وی پاکستان وچ تلور دے شکار دی اجازت دے دِتی۔ شیخ حماد بن عیسی سنے خاندان دے ہور بندیاں لئی 7اُچیچے پرمٹ جاری کیتے گئے نیں جو 2017لئی نیں۔
وفاقی حکومت ولوں جہڑے بندیاں نوں پرمٹ دِتے گئے نیں اوہناں وچ بحرین دے بادشاہ بُڈھے رشتے دار، مشیر دفاع، فیلڈ مارشل، آرمی چیف تے شاہی خاندان دے ہور ارکان شامل نیں۔نجی ٹی وی دے مطابق ایہناں پرمٹاں اُتے وفاقی وزارت خارجا دے ڈپٹی چیف آف پروٹوکول نعیم اقبال چیمہ نے دستخط کیتے نیں تے اوہناں نوں اسلام آباد وچ موجود بحرین دے سفارت خانے دے ذریعے اوہناں دے شاہی خاندان نوں گھل دِتا گیا اے جہدے وچ اوہناں نوں ضلع جامشورو دا علاقا شکار لئی دِتا جائے گا جہدے وچ اوہ تھانو بولا خان، کوٹری، منج ہاند تے سہون دیاں تحصیلاں شامل نیں۔
بحرین دے بادشاہ دے بزرگ رشتے دار شیخ ابراہیم بن حماد بن عبداللہ الخلیفہ نوں شاہ بہادر تحصیل ، جان آباد تے ضلع ٹھٹھہ دی سونڈا یونین کونسل وچ شکار دی اجازت دِتی گئی اے جدکہ مشیر دفاع شیخ عبداللہ بن سلمان الخلیفہ نوں ضلع ٹھٹھہ دی تحصیل تاجی وچ شکار کرن گے، ایس توں وکھ بحرین دے فیلڈ مارشل تے بحرین دی دفاعی فورسز دے چیف کمانڈر شیخ خلیفہ احمد الخلیفہ بلوچستان دے ضلع ماشوخیل دی تحصیل تویسار وچ تلور دا شکار کرن گے جدکہ بحرین دے بادشاہ دے کزن تے وزیر داخلا لیفٹیننٹ جنرل شیخ راشد بن عبداللہ الخلیفہ بلوچستان دے ضلع جعفر آباد وچ تلور دا شکار کرن گے۔
