آصف زرداری تے بلاول دے پارلیمنٹ وچ آن نال خورشید دی کرسی نوں خطرا نہیں: منظور وٹو

کراچی(پاکستان پوائنٹ نیوز28۔دسمبر2016ء) پیپلز پارٹی دے رہنما منظور وٹو نے آکھیا کہ آصف زرداری تے بلاول بھٹو زرداری دے پارلیمنٹ وچ آن دے بعد سید خورشید شاہ دی کرسی نوں کوئی خطرا نہیں اے۔ اوہناں نے آکھیا کہ پیپلز پارٹی نے فیصلا کیتا اے کہ سید خورشید شاہ قومی اسمبلی وچ ایسراں ای اپوزیشن لیڈر رہن گے۔ منظور وٹو دا کہنا سی کہ سی ای سی وچ آصف علی زرداری نے ایہ واضح کر دِتا کہ سید خورشید شاہ دی کرسی نوںکوئی خطرا نہیں اے۔ پیپلز پارٹی دے لانگ مارچ بارے گل بات کردے ہوئے اوہناں نے دسیا کہ بلاول بھٹو زرداری پہلی جنوری نوں لاہور آ رہے نیں۔ بلاول بھٹو دے لاہور آن دے بعد لانگ مارچ نوں عملی شکل دِتی جائے گی۔