گورنر سندھ دی بدلی دیاں خبراں، عہدے لئی مناسب امیدوار دی بھال شروع

گورنر سندھ دی بدلی دیاں خبراں، عہدے لئی مناسب امیدوار دی بھال شروع

اسلام آباد(پاکستان پوائنٹ نیوز27۔دسمبر2016ء) گورنر سندھ سعید الزماں صدیقی نوں گورنر دے عہدے توں ہٹان دیاں خبراں ساہمنے آ رہیاں نیں، ملن والیاں اطلاعواں دے مطابق وفاقی حکومت نے سندھ دے گورنر دی بدلی تے اوہناں دی تھاں کسے نویں تے مناسب بندے نوں لیان دی بھال شروع کر دِتی اے۔ یاد رہوے کہ سعید الزماں صدیق نوں 13ورھیاں توں ودھ چِر تیکر گورنر سندھ دے عہدے اُتے رہن والے ڈاکٹر عشرت العباد دی تھاں لایا گیا سی۔

جہناں دی عہدے دا حلف چُکدے ای حالت وِگڑ گئی تے اوہناں نوں ہسپتال داخل کروایا گیا پر کُجھ ای دناں بعد ڈاکٹرز نے گورنر سندھ نوں گھر جان دی اجازت دے دِتی۔ وفاقی حکومت دے وسیلیاں مطابق حکومت نے گورنر سندھ بنان لئی کسے ٹیکنوکریٹ یاں سابق جج دی بھال شروع کر دِتی اے۔ ایس توں وکھ ایس توں پہلے ایہ وی سُنن وچ آیا سی کہ ڈاکٹر عشرت العباد نوں ای دوبارا سندھ دا گورنر بنائے جان دا امکان اے پر ایس معاملے دا تعین وفاقی حکومت ولوں کسے حتمی فیصلے دے بعد ای کیتا جا سکے گا۔