پچھلے دیہاڑے پی ٹی سی ایل تے انٹرنیٹ سروسز متاثر، نامعلوم بندیاں نے آپٹک فائبر نوں وڈھیا سی: نواں انکشاف ساہمنے آ گیا

اسلام آباد(پاکستان پوائنٹ نیوز27۔دسمبر2016ء) پچھلے دیہاڑے پی ٹی سی ایل دی سروس سنے انٹرنیٹ تے یوفون دی سروس ملک بھر وچ متاثر ہوئی سی، سروس متاثر ہون دی وجہ توں پی ٹی سی ایل تے یوفون دے ورتیندڑاں نوں اوکڑاں دا ساہمنا کرنا پیا۔ پی ٹی سی ایل حکام نے سروسز متاثر ہون دی وجہ آپٹک فائبر وچ خرابی دَسی پر انٹیلی جنس وسیلیاں دے مطابق پی ٹی سی ایل دی سروس نوں سوچی سمجھی سازش دے تحت خراب کیتا گیا سی۔

انٹیلی جنس وسیلیاں دا کہنا سی کہ کھاریاں تے کوئٹہ وچ کبیل نوں نامعلوم بندیاں نے وڈھیا۔ انٹیلی جنس ٹیم نے دعوا کیتا کہ کیبل، کھاریاں تے کوئٹہ وچ اِکو ویلے وڈھی گئی سی۔ انٹیلی جنس ٹیم نے ایس کارروائی وچ پی ٹی سی ایل دے معطل تے برطرف کیتے گئے ملازماں دے ملوث ہون دا شبھا ظاہر کیتا اے۔حکام دا کہنا اے کہ ملازماں دی نشان کاری دے بعد اوہناں خلاف کارروائی کیتی جائے گی۔