کراچی وچ چکن گنیا، بھارت دی خونی تے آبی دے بعد طبی دہشتگردی

کراچی دے مختلف علاقیاں وچ کِھلرن والا چکن گنیا دا روگ بھارت دا تحفہ اے، بھارت وچ پچھلے کُجھ ورھیاں دے دوران چکن گنیا دی وباءکئی وار حملا کر چکی اے: پاکستانی ڈاکٹراں دا انکشاف

کراچی وچ چکن گنیا، بھارت دی خونی تے آبی دے بعد طبی دہشتگردی
کراچی دے مختلف علاقیاں وچ کِھلرن والا چکن گنیا دا روگ بھارت دا تحفہ اے، بھارت وچ پچھلے کُجھ ورھیاں دے دوران چکن گنیا دی وباءکئی وار حملا کر چکی اے: پاکستانی ڈاکٹراں دا انکشاف

کراچی(پاکستان پوائنٹ نیوز26۔دسمبر2016ء) پاکستانی ڈاکٹراں نے انکشاف کیتا اے کہ کراچی وچ وبائی شکل اختیار کرن والی بیماری چکن گنیا دا وائرس حقیقت وچ بھارت ولوں آیا اے۔ تفصیل دے مطابق پاکستانی ماہرین نے انکشاف کیتا اے کہ کراچی دے مختلف علاقیاں وچ کِھلرن والا چکن گنیا دا روگ اصل وچ بھارت دا تحفہ اے کیوں جے بھارت وچ پچھلے کجھ ورھیاں دے دوران چکن گنیا دی وباءکئی وار حملا کر چکی اے تے چالو ورھے وی ایہ روگ بھارت دے مختلف شہراں وچ کِھلریا ہویا اے۔

چالو ورھے وی چکن گنیا دی شدت ویکھدے ہوئے بھارتی محکما صحت نے اکتوبر وچ ریڈ الرٹ جاری کر دِتا سی پر ایس روگ دی ہوند نوں رَد کر دِتا سی گیا کیوں جے پاکستان وچ پہلے کدی چکن گنیا دی وباءمشاہدے وچ نہیں آئی سی۔ یاد رہوے کہ مشہور پاکستانی کیڑیاں دے ماہر پروفیسر ڈاکٹر امتیاز احمد پہلے ای ایس خدشے دا وکھالا کر چکے سن کہ کراچی وچ چکن گنیا دی وباءموجود ہو سکدی اے۔

ایس ویلے خاص طور اُتے بھارتی دارالحکومت دِلی وچ چکن گنیا دی وباءسبھ توں زیادا شدید اے جتھے ہن تیکر 40ہزار توں ودھ شہری ایس بیماری دے نتیجے وچ متاثر ہوئے نیں جدکہ بھارتی حزب اختلاف نے نریندر مودی دی حکومت نوں چکن گنیا دے کھلار دا ذمے وار قرار دیندے ہوئے آکھیا اے کہ دِلی وچ پچھلے کئی ورھیاں توں کوڑے دے ڈھیر جمع ہوندے جا رہے نیں جہدی وجہ توں چکن گنیا کِھلرن نال مچھراں دیاں وڈیاں وڈیاں کالونیاں وجود وچ آ گئیاں نیں۔

یاد رہوے کہ چکن گنیا کِھلارن والا مچھر اوہی اے جہدی وجہ توں ڈینگی دا روگ کِھلریا اے پر چنگی گل ایہ اے کہ چکن گنیا کوئی جان لین والا روگ نہیں ایہ اک ہفتے توں دس دِناں وچ اپنے آپ ختم ہو جاندا اے پر ایس روگ دے دوران روگی نوں پوری طرحاں آرام تے جوڑاں دے درد اں والی دوا کھانی چاہیدی تاں جے گھٹ پِیڑ ہوئے۔