اے ٹی آر جہاز دی اُڈان توں پہلے بکرے دا صدقہ، پی آئی اے نے تشویش دا وکھالا کردے ہوئے تحقیقات شروع کر دِتیاں

سکیورٹی حکام نے ائر پورٹ دے حساس حصے وچ بکرے نوں ذبح کرن لئی لیاندی گئی چھری اُتے تشویش دا وکھالا کیتا سی

اے ٹی آر جہاز دی اُڈان توں پہلے بکرے دا صدقہ، پی آئی اے نے تشویش دا وکھالا کردے ہوئے تحقیقات شروع کر دِتیاں
سکیورٹی حکام نے ائر پورٹ دے حساس حصے وچ بکرے نوں ذبح کرن لئی لیاندی گئی چھری اُتے تشویش دا وکھالا کیتا سی

راولپنڈی(پاکستان پوائنٹ نیوز24۔دسمبر2016ء) پاکستان ائر لائنز (پی آئی ای) نے بے نظیر بھٹو انٹرنیشنل ائر پورٹ اُتے اے ٹی آر جہاز دی اُڈان توں پہلے بکرے دا صدقہ دِتے جان دے واقعے اُتے تشویش دا وکھالا کردے ہوئے تحقیقات شروع کر دِتیاں، ادارے دے سکیورٹی حکام نے ائر پورٹ دے حساس حصے وچ بکرے نوں ذبح کرن لئی لیاندی گئی چھری اُتے تشویش دا وکھالا کیتا سی۔

یاد رہوے کہ 18دسمبر نوں سوشل میڈیا اُتے اک خبر ساہمنے آئی سی کہ پی آئی اے دی اے ٹی آر 42اُڈان توں پہلے اک بکرے نوں ذبح کیتا گیا اے، جہدے اُتے بے نظیر ائر پورٹ دے سکیورٹی حکام وی حیران رہے گئے کہ ایسی حساس تھاں وچ چھری کیویں لیاندی گئی، جتھے کسے بندے یاں ہتھیار نوں لیجان لئی سکیورٹی کلیئرنس دی لوڑ ہوندی اے۔ سینئر سکیورٹی عہدیدار دا کہنا سی کہ ائر پورٹ دے حساس حصے وچ چھری تے کالے بکرے نوں لیان دے واقعے دیاں تحقیقات شروع کر دِتیاں گئیاں تے اوس ویلے ڈیوٹی اُتے موجود سکیورٹی اہلکار اں توں وی تفتیش کیتی جائے گی۔

یاد رہوے کہ ایتوار نوں اک اے ٹی آر جہاز نوں اُڈان دی اجازت دِتے جان دے بعد ایس جہاز دے مسافراں تے عملے دیاں زندگیاں لئی صدقے دے طور اُتے اک بکرے نوں ذبح کیتا گیا سی۔ ایس موقعے اُتے پی آئی اے انتظامیا نے اپنے آپ نوں ذکر کیتے گئے معاملے توں دور رکھیا تے ترجمان دانیال گیلانی دا کہنا سی کہ ایس طرحاں دا کم اک ملازم ولوں اے ٹی آر جہاز نوں کلیئر کیتے جان اُتے کیتا گیا اے۔ پی آئی اے ترجمان دا کہنا سی کہ سول ایوی ایشن اتھارٹی ولوں پی آئی اے دے اے ٹی آر جہازاں دے بیڑے دی پُن چھان دا فیصلا کیتا گیا سی جہدے اُتے سارے ’10‘ اے ٹی آر جہازاں نوں گراﺅنڈ کر دِتا گیا، اوہناں نے دعوا کیتا کہ دو اے ٹی آر جہازاں نوں کلیئر کیتا جا چکیا اے۔