کراچی(پاکستان پوائنٹ نیوز23۔دسمبر2016ء) کراچی وچ سابق صدر آصف علی زرداری دی آمدن توں پہلے رینجرز تے قانون نافذ کرن والے اداریاں نے کارروائیاں کیتیاں، کارروائیاں دوران آصف علی زرداری دے قریبی ساتھی دے دفتر تے قریبی ساتھی دے فرنٹ مین دے گھر چھاپے مارے گئے۔ کراچی وچ ہوئیاں کارروائیاں اُتے پیپلز پارٹی دے سینیٹر تاج حیدر نے ردعمل دا وکھالا کردے ہوئے آکھیا کہ میں کُجھ دن پہلے اپنا ترانا ’چلو جیل چلو‘ لکھیا اے۔
اوہناں نے آکھیا کہ ایس طرحاں دیاں کارروایاں نوں اہمیت نہیں دیندے، اسیں سیاسی مقابلا کرن نوں تیار آں۔ اوہناں دا کہنا سی کہ ایس طرحاں دیاں کارروائیاں اُتے بس اینا ای آکھاں گا کہ ’پپو یار تنگ نہ کر‘ یاد رہوے کہ آصف علی زرداری کُجھ دیر پہلے ملک واپس پہنچ گئے نیں۔
