سابق صدر آصف علی زرداری دے قریبی دوست دے تن دفتراں وچ رینجرز دا چھاپا، کئی بندے گرفتار

سابق صدر آصف علی زرداری دے قریبی دوست دے تن دفتراں وچ رینجرز دا چھاپا، کئی بندے گرفتار

کراچی(پاکستان پوائنٹ نیوز23۔دسمبر2016ء) شہر قائد وچ رینجرز نے اج تن دفتراں وچ چھاپے مارے، تنے دفتر سابق صدر آصف علی زرداری دے قریبی ساتھی دے نیں۔ تفصیل دے مطابق رینجرز نے کراچی وچ آئی آئی چند ریگر روڈ ، ہاکی سٹیڈیم تے میٹروپول دے نیڑے دفتر وچ چھاپا ماریا۔ چھاپیاں دے دوران آئی آئی چند ریگر روڈ نیڑے موجود بلڈنگ وچوں دو بندیاں تے ہاکی سٹیڈیم دے نیڑے موجود دفتر وچوں ایڈمن منیجر سنے کجھ بندیاں نوں گرفتار کر لیا گیا۔

چھاپیاں دے دوران رینجرز نے دفتر وچ موجود ریکارڈ وی قبضے وچ لے لیا اے۔ وسیلیاں دے مطابق تِنے دفتر انور مجید نامی بندے دے نیں جو سابق صدر آصف علی زرداری دے قریبی دوست سمجھے جاندے نیں۔ وسیلیاں نے دسیا کہ چھاپیاں دے دوران رینجرز نے دفتر وچ موجود اہم دستاویزات سنے اسلحا وی برآمد کیتا۔ دوجے پاسے سابق صدر آصف علی زرداری ملک واپسی لئی دبئی توں ٹُر پئے نیں۔