اسلام آباد(پاکستان پوائنٹ نیوز21۔دسمبر2016ء) پاکستان تحریک انصاف نے جنگ اخبار وچ چھپن والی خبر نوں رَد کر دِتا اے۔ تفصیل دے مطابق پی ٹی آئی ولوں جاری بیان وچ دسیا گیا اے کہ ایڈورٹائزمنٹ ایجنسی نوں کنٹریکٹ دین بارے خبراںبے بنیاد نیں۔ فیصل جاوید تے افتخار دورانی ایجنسی دے بورڈ آف ڈائریکٹرز وچوں نہیں نیں۔ پی ٹی آئی ولوں جاری بیان وچ آکھیا گیا اے کہ بے بنیاد تے جھوٹھی خبر چھاپن اُتے جنگ گروپ تے سلیم صافی خلاف ہتک عزت دا دعوا دائر کراں گے۔
پی ٹی آئی نے ایڈورٹائزمنٹ ایجنسی نوں کنٹریکٹ دین بارے جنگ اخبار وچ چھپن والی خبر خلاف پریس کونسل آف پاکستان نال وی رابطا کرن دا فیصلا کیتا اے۔ دوجے پاسے فیصل جاوید دا کہنااے کہ بے بنیاد الزام ن لیگ دی کرپشن اُتے ویڈیو بنان دا نتیجہ نیں۔
