بارشاں نہ ہوئیاں تے صورتحال وِگڑ سکدی اے: چیف میٹرولوجسٹ

بارشاں نہ ہوئیاں تے صورتحال وِگڑ سکدی اے: چیف میٹرولوجسٹ

اسلام آباد(پاکستان پوائنٹ نیوز21۔دسمبر2016ء) چیف میٹرولوجسٹ محمد ریاض نے آکھیا اے کہ گلوبل وارمنگ پاروں چالو ورھے ثابت ہو رہیا اے اے، اکتوبر تے نومبر وچ بارشاں معمول توں گھٹ ہوئیاں جدکہ لاہور وچ چالو مہینے کوئی بارش نہیں ہوئی،بارشاں نہ ہون پاروں سردی وچ وادھا نہیں ہویا جدکہ جمع کیتا گیا پانی وی گھٹ رہیا اے، جے جنوری وچ وی بارش نہ ہوئی تے صورتحال وِگڑ سکدی اے۔

اپنے انٹرویو وچ اوہناں نے آکھیا کہ آبادی وچ وادھا ماحولیاتی تبدیلیاں دی وجہ بندا اے جو گلوبل وارمنگ دی بنیادی وجہ اے۔ اوہناں دا کہنا سی کہ پاکستان وی اوہناں ملکاںوچ شامل اے جو گلوبل وارمنگ توں متاثر ہو رہے نیں۔ محمد ریاض دا کہنا سی کہ پہاڑاں اُتے برف باری دا کوئی وڈا سلسلا شروع نہیں ہویا، بارشاں پانی جمع کرن وچ مدد کردیاں نیں جدکہ ایس سیزن وچ ہون والی برف باری دی وجہ توں جمی ہوئی برف دی صورت وچ جمع کیتا گیا پانی کم آﺅندا اے۔

اوہناں دا کہنا سی کہ بارشاں نہ ہون پاروں فصلاں دی کاشت وی متاثر ہو رہی اے جہدے نتیجے وچ کساناں نوں اوکڑاں دا ساہمنا اے۔ اوہناں نے امکان ظاہر کردے ہوئے آکھیا کہ آن والے ہفتے تیکر بارش دی کوئی امید نہیں اے، ایس قسم دے چیلنجاں دا گوانڈھی ملک نوں وی ساہمنا اے۔