ویب ڈیسک(پاکستان پوائنٹ نیوز20۔دسمبر2016ء) مشہور پرچا کار ڈاکٹر شاہد مسعود نے انکشاف کیتا اے کہ 97دے الیکشن توں پہلے جنوری وچ بھارتی اخبار سماچار وچ اداکار فیروز خان تے سنجے خان دی بھین دلشاد بیگم نے اپنے اک انٹرویو وچ آکھیا کہ پاکستانی دی بہت وڈی سیاسی شخصیت نال اوہناں دے قریبی تعلقات نیں تے اوہناں نے اوہدے کولوں کشمیر دی پالیسی نوں تبدیل کروایا اے۔
ڈاکٹر شاہد مسعود نے دا کہنا سی کہ دلشاد بیگم نوں پاکستان آن اُتے سرکاری مہمان بنایا گیا اوہ مری تے بھور بن گھمدیاں رہیاں۔ اوہناں نے انکشاف کیتا کہ پاکستان دی مشہور سیاسی شخصیت جو اقتدار وچ وی رہی اے، اوہنوں گانے سُنن دا بہت شوق سی تے ہے، ایہو وجہ سی کہ اوہناں دی دوستی اک موسیقار سوانی نال ہو گئی جہناں دے شوہر بہت وڈے وکیل نیں، دوویں اک دوجے کولوں فون اُتے گانے سُندے سن پر اوہدے بعد اوس سوانی نوں طلاق ہو گئی، اوس موسیقار سوانی نے چیئر لفٹ تے بہت ساریاں انج دیاں شیواں دے ٹھیکے لے کے کروڑاں رُپئے کمائے۔
پر سوشل میڈیا اُتے ڈاکٹر شاہد مسعود دے ایس انکشاف نوں پی ٹی آئی دے وکیل نعیم بخاری نال جوڑیا جا رہیا اے کیوں جے اوہناں دی پہلی بیوی طاہر ہ سیدہ وی موسیقار گھرانے توں تعلق رکھدیاں سن تے آپ وی موسیقار سن جدکہ بعد وںدوواں وچکار طلاق ہوگئی سی۔ دوجے پاسے وڈی سیاسی شخصیت نوں نواز شریف نال جوڑیا جا رہیا اے۔ ڈاکٹر شاہد مسعود نے ایس حوالے نال ہور کیہ آکھیا تُسیں وی سنو!
