جہاز حادثے وچ خاندان گوا دین والی حسینہ نے چاچے نال رہن اُتے رضا مندی ظاہر کر دِتی

جہاز حادثے وچ خاندان گوا دین والی حسینہ نے چاچے نال رہن اُتے رضا مندی ظاہر کر دِتی

اسلام آباد(پاکستان پوائنٹ نیوز19۔دسمبر2016ء) پی آئی اے دی اُڈان پی کے 661دے حادثے وچ اپنا سارا خاندان گوا دین والی حسینہ بی بی نوں چائلڈ پروٹیکشن بیورو نے اپنے کول رکھیا ہویا ۔ تفصیل دے مطابق جہاز حادثے وچ حسینہ بی بی نے ماں پیو تے بھین بھرا سنے 6بندیاں نوں گواد ِتا سی جدکہ جہاز حادثے وچ شہید ہون والے بندیاں لئی مالی امداد دا اعلان کیتا گیا تے حسینہ دی کفالت کرن لئی کئی لوک ساہمنے آئے، حسینہ دے خاندان وچوں کئی لوکاں نے پیسےاں دے لالچ وچ حسینہ نوں اپنے خاندان دا حصہ قرار دِتا پر پی آئی اے انتظامیا تے چائلڈ پروٹیکشن بیورو نے حسینہ نوں ملن والے پیسے غلط ہتھاں وچ جان توں روکن لئی آپ حسینہ بی بی توں پُچھیا کہ اوہ کہدے نال رہنا چاہندی اے؟ جہدے جواب وچ حسینہ دا کہنا سی کہ اوہ اپنے والد دے کزن نال رہنا چاہندی اے۔

پی آئی اے حکام نے وی ایس توں پہلے اک بیان وچ آکھیا سی کہ حسینہ بی بی نال مکمل تعاون کیتا جائے گا جدکہ ایس توں پہلے ایہ خبر وی عام سی کہ حسینہ دی پُھپھی اوہنوں اپنے گھر لیجان تے اپنے پُتر نال ویاہ کرن دی خاہشمند سی جہدے توں حسینہ نے انکار کر دِتا سی۔ یاد رہوے کہ جہاز حادثے وچ 47بندے شہید ہو ئے سن۔