سندھ طاس سمجھوتے وچ کوئی تبدیلی قبول نہیں: پاکستان

سندھ طاس سمجھوتے وچ کوئی تبدیلی قبول نہیں: پاکستان

واشنگٹن(پاکستان پوائنٹ نیوز17۔دسمبر2016ء) پاکستان نے بھارت ولوں دو جھیڑوے پانی دے منصوبیاں نوں مکمل کرن لئی معاملے نوں لٹکان دا خدشا ظاہر کردے ہوئے آکھیا اے کہ پاکستان نوں سندھ طاس سمجھوتے (انڈس وٹر ٹریٹی) وچ کوئی ترمیم یاں تبدیلی قبول نہیں۔ وزیر اعظم نواز شریف دے اُچیچے معاون برائے امور خارجا طارق فاطمی نے نجی ٹی وی نال گل بات کردے ہوئے دسیا کہ پاکستان نوں سندھ طاس سمجھوتے دی دفعات وچ کوئی وی ترمیم یاں تبدیلی قبول نہیں۔ طارق فاطمی دے مطابق پاکستان دی پوزیشن سمجھوتے وچ شامل اصولاں دے عین مطابق اے تے سمجھوتے اُتے صحیح معنیاں وچ عمل تے اوہدی قدرکیتے جان دی لوڑ اے۔