وی آئی پی کلچر نے پی آئی اے دے جہاز دا روٹ بدلوا دِتا

کراچی(پاکستان پوائنٹ نیوز17۔دسمبر2016ء) کراچی توں اسلام آباد جان والی پی آئی اے دی اُڈان وی آئی پی کلچر دا شکار بن گئی۔ تفصیل دے مطابق کراچی توں سِدھی اسلام آباد جان والی پی آئی اے دی اُڈان پی کے 368دا روٹ بدل دِتا گیا۔ وسیلیاں دے مطابق اُڈان ہن سِدھی اسلام آباد جان دی بجائے سکھر توں ہوندی ہوئی اسلام آباد جائے گی۔ جہاز وچ اپوزیشن لیڈر قومی اسمبلی سید خورشید شاہ تے پیپلز پارٹی دے رہنما منظور وسان سوار سن جہناں نے سکھر جانا سی۔ دوویں رہنماواں دی وجہ توں اُڈان سِدھی اسلام آباد جان دی بجائے ہن سکھر توں اسلام آباد جائے گی۔ جہاز وچ موجود مسافراں نے روٹ بدلے جان اُتے احتجاج وی کیتا۔