’مشترکہ مفادات کونسل‘ دا 15مارچ توں ملک بھر وچ آدم شماری کروان دا فیصلا

اسلام آباد(پاکستان پوائنٹ نیوز16۔دسمبر2016ء) ’مشترکہ مفادات کونسل‘ نے ملک بھر وچ 15مارچ توں آدم شماری کروان دا فیصلا کر لیا۔ تفصیل دے مطا بق وزیر اعظم نواز شریف دی صدارت ہیٹھ ’مشترکہ مفادات کونسل‘ دا اجلاس ہویا۔ اجلاس وچ وفاقی وزیر خزانا اسحاق ڈار سنے چاراں صوبیاں دے وزیر اعلا تے کونسل دے ہور ارکان نے وی رلت کیتی۔ اجلاس وچ ملک وچ آدم شماری بارے حکمت عملی بیان کیتی گئی جہدے بعد کونسل نے 15مارچ توں ملک بھر وچ آدم شماری کروان دا فیصلا کیتا۔ ’مشترکہ مفادات کونسل‘ دے مطابق آدم شماری تے خانہ شماری اکٹھے ای کروائی جاوے گی۔ کونسل ولوں جاری بیان وچ آکھیا گیا کہ آدم شماری دو مرحلیاں وچ وی کروائی جا سکدی اے۔