ڈاکٹر عامر لیاقت حسین نے وفاقی وزیر خزانا اسحاق ڈار دا پول کھول دِتا

اسلام آباد(پاکستان پوائنٹ نیوز15۔دسمبر2016ء) نجی ٹی وی چینل دے اک پروگرام وچ ڈاکٹر عامر لیاقت حسین نے وفاقی وزیر خزانا اسحاق ڈار دا پول کھول دِتا۔ تفصیل دے مطابق اپنے پروگرام وچ ہور نجی ٹی وی چینلز دے پروگرامز دے کلپ شامل کر کے اوہناں نے اسحاق ڈار نوں تنقید دا نشانا بنایا۔ اوہناں نے اک کلپ چلایا جہدے وچ وزیر خزانا اسحاق ڈار دا قومی اسمبلی وچ کہنا سی کہ میری باہرلے ملک کوئی جائیداد نہیں اے جے باہرلے ملک میری کوئی جائیدار ہوئی تے میں چیلنج کرنا واں کہ لیا کے وکھاﺅ تے میں ہمیشہ لئی سیاست چھڈ دیاں گے جدکہ اگلے ای کلپ وچ اوہناں تے اوہناں دے پُتراں دے بنائے گئے فلیٹس تے 10منزلا رہائشی بلڈنگ دیاں تفصیلاں فراہم کیتیاں گئیاں۔ڈاکٹر عامر لیاقت نے آکھیا کہ ایہناں پُتراں دے اثاثے اوہناں دے والد تے ماں دے ظاہر کیتے گئے ، ہور ایہ کہ اسحاق ڈار نوں ملک نوں پہنچن والے نقصان تے کرپشن پاروں ملکی خزانے نوں ہون والے نقصان بارے کوئی پتا ای نہیں سی۔ ڈاکٹر عامر لیاقت نے آکھیا کہ اک وزیر خزانا ہوندے ہوئے اسحاق ڈار نوں ایہناں گلاں دا پتا نہیں سی۔ اوہناں نے آکھیاکہ اسحاق ڈار نے ہر تھاں جھوٹھ بولیا تے ہُن جو ورلڈ بنک نے سندھ طاس سمجھوتے بارے بھارت نوں خبردار کیتا اے کیتے ایہدے اُتے وی اسحاق ڈار نہ آکھ دین کہ ایہ اوہناں دی وجہ توں ہویا اے پر میں دَس دیواں کہ جو وی کیتا ورلڈ بنک نے کیتا اے ایہدے وچ اسحاق ڈار دا کوئی کردار نہیں اے۔ ڈاکٹر عامر لیاقت نے ہور کیہ آکھیا تُسیں وی سُنو!