جنید نے چترال وچ اک بندے توں نماز جنازہ وچ رلت کرن دا وعدا لیا سی: دوست سہیل خان

جنید نے چترال وچ اک بندے توں نماز جنازہ وچ رلت کرن دا وعدا لیا سی: دوست سہیل خان

اسلام آباد(پاکستان پوائنٹ نیوز14۔دسمبر2016ء) مشہور مبلغ تے نعت خواں جنید جمشید دے فوت ہون دے بعد اوہناں دے دوست سہیل خان نے نجی ٹی وی اُتے گل بات کردے ہوئے آکھیا کہ میں تے جنید بھائی پچھلے کُجھ چِر توں اک دوجے دے نال ساں، ایس دوران کئی وار اسیں دو تن ملکاں دے دوریاں اُتے وی گئے ساں، ایس وار سانوں تبلیغ دے سلسلے وچ چترال جانا سی، پر اسیں اک ہفتہ لیٹ ہو گئے۔

اوہناں نے دسیا کہ جنید جمشید تے میں چترال اکٹھے گئے تے دن رات نال ای لنگھائے۔ سہیل خان نے دسیا کہ چترال دے بعد جنید وچ کُجھ تبدیلیاں آئیاں جہناں وچوں اک ایہ سی کہ اوہ بہت چُپ ہو گیا سی تے ویلے دے نال نال موت دا ذکر وی کردا سی، جہاز ڈِگن توں اک دن پہلے جنید نے چترال وچ موجود اک بندے نال گل بات کیتی تے آکھیا کہ تُسیں میرے نال وعدا کرو کہ میری نماز جنازہ وچ ضرور رلت کرو گے۔

سہیل خان نے دسیا کہ جنید دیاں ایہناں گلاں توں پتا لگدا اے کہ اوہنوں پہلے ای تھوڑا جہیا الہام ہو گیا سی کہ کُجھ ہون والا اے۔ اوہناں نے دسیا کہ اک ہور محفل توں سانوں بُلاوا آیا تے میں جنید بھائی نوں آکھیا کہ ساڈے دوواں وچوں کسے اک نوں جانا پئے گا جہدے اُتے جنید نے آکھیا کہ میرا جانا مشکل ہووے گا تُسیں پہلے چلے جاﺅ۔