سانوں پہلے قانون اپنے آپ اُتے لاگو کرنا ہووے گا: چیف جسٹس انور ظہیر جمالی

لاہور(پاکستان پوائنٹ نیوز10۔دسمبر2016ء) سپریم کورٹ دے چیف جسٹس انور ظہیر جمالی نے آکھیا اے کہ میڈیا ہائپ دے نتیجے وچ دباءوچ آکے فیصلے نہیں کردے، لاہور پنجاب دی تہذیب و تمدن دا مرکز اے، لاہور ہائی کورٹ نوں عدلیہ وچ اک مقام حاصل اے۔ تفصیل دے مطابق لاہور ہائی کورٹ دی 150سالہ تقریب نال خطاب کرد ے ہوئے چیف جسٹس انور ظہیرجمالی دا کہنا سی کہ لاہور ہائی کورٹ نے انصاف دی فراہمی وچ بہت خدمتاں انجام دِتیاں۔ اوہناں نے آکھیاکہ برصغیر وچ مسلماناں دی تواریخ روشن رہی اے، لاہور پنجاب دی تہذیب و تمدن دا مرکز اے۔ اوہناں نے آکھیا کہ سر سید ورگے لوکاں نے لوکائی وچ آزادی دا شعور پیدا کیتا۔ اوہناں نے آکھیا کہ ساڈی سوچ اک ہونی چاہید، سانوں پہلے قانون اپنے اُتے لاگو کرنا ہووے گا۔