جیل وچ قید اک بندا جیلوں نکل کے سِدھا وزیر بن گیا:ڈاکٹر شاہد مسعود نے کہانی بیان کر دِتی

اسلام آباد(پاکستان پوائنٹ نیوز07۔دسمبر2016ء) نجی ٹی وی چینل دے اک پروگرام وچ گل بات کردے ہوئے پاکستان دے مشہور پرچا کار ڈاکٹر شاہد مسعود نے دسیا کہ اوہناں نوں اک وار اک ایماندار پولیس افسر ملیا، پولیس افسر نے مینوں دسیا کہ میں اک بندے نوں کرپشن تے قتل دے الزام وچ کُجھ ورھے پہلے پھڑیا تے اوہنوں جیل وچ بند کر دِتا جدکہ اوہنوں ہتھکڑی لا کے پیشی اُتے وی نہیں لیجایا جاندا سی۔ پولیس افسر نے دسیا کہ اوہ بندا جیل توں نکل کے سِدھا وزیر بن گیا، میرے فرشتیاں نوں وی پتا نہیں سی کہ اوہ میرا وزیر بن جائے گا، وزیر بنن دے بعد اوہنے مینوں بُلایا۔ ڈاکٹر شاہد مسعود نے دسیا کہ پولیس افسر نے مینوں اپنی دردناک کہانی سُنائی۔ پولیس والے ایہو آکھدے نیں کہ اسیں کراچی جیل، اڈیالا جیل سنے پنجاب تے سندھ دیاں جیلاں وچ جو لوک قید نیں اوہناں نوں ہُن کجھ نہیں کہندے کیوں جے سانوں پتا اے کہ ایہو لوک جیلوں چُھٹ کے کل صدر، وزیر اعظم ، وزیر تے مشیر بن جان گے، تے ساڈی شامت آ جائے گی۔ ڈاکٹر شاہد مسعود نے ہور کیہ آکھیا تُسیں وی سُنو!