سپریم کورٹ وچ پی ٹی آئی دے وکیل نعیم بخاری تے جسٹس عظمت سعید وچکار دلچسپ جملیاں دا وٹاندرا

میری عمر زیادا اے عدالت میرے نال مذاق نہ کرے: نعیم بخاری , تُسیں تسبیح پھڑو تے گھر جا کے اللہ اللہ کرو: جسٹس عظمت سعید

سپریم کورٹ وچ پی ٹی آئی دے وکیل نعیم بخاری تے جسٹس عظمت سعید وچکار دلچسپ جملیاں دا وٹاندرا
میری عمر زیادا اے عدالت میرے نال مذاق نہ کرے: نعیم بخاری
تُسیں تسبیح پھڑو تے گھر جا کے اللہ اللہ کرو: جسٹس عظمت سعید

اسلام آباد(پاکستان پوائنٹ نیوز06۔دسمبر2016ء) سپریم کورٹ وچ پاناما کیس دی سنوائی جاری اے۔ سنوائی دے دوران عدالت وچ پی ٹی آئی دے وکیل نعیم بخاری تے جسٹس عظمت سعید وچکار دلچسپ جملیاں دا وٹاندرا ہویا۔ سنوائی دے دوران جسٹس عظمت سعید دا کہنا سی کہ قانون وچ کفالت ہیٹھ دی کیہ تعریف کیتی گئی اے، ایہدا جائزا لینا ہووے گا۔ مریم نواز دے کفالت ہیٹھ ہون دا معاملا اہم اے، اسیں وی لبھنے آں کہ تُسیں وی لبھو۔

وکیل تحریک انصاف نعیم بخاری نے جواب وچ آکھیا کہ جناب میں عمر وچ تہاڈے توں وڈا آں، جہدے اُتے جسٹس عظمت سعید نے آکھیا کہ بخاری صاحب تُسیں عمر دَس دو فیر کُجھ نہیں آکھاں گا۔ پی ٹی آئی دے وکیل نے جواب دِتا کہ میری عمر 68ورھےاں توں زیادا اے۔ عدالت میرے نال مذاق نہ کرے۔ جسٹس سعید نے جواب وچ نعیم بخاری نوں مشورا دِتا کہ فیر تسبیح پھڑو تے گھر جا کے اللہ اللہ کرو۔