فروری وچ بسنت کروان لئی پرعزم آں: رانا مشہود

لاہور(پاکستان پوائنٹ نیوز05۔دسمبر2016ء) صوبائی وزیر تعلیم و کھیڈ رانا مشہود دا کہنا اے کہ اسیں فروری دے وچکار بسنت کروان دا ارادا رکھدے آں۔ رانا مشہود نے آکھیا کہ ساڈی کوشش ہووے گی کہ بسنت پہلے وانگ ہووے پر کوئی نقصان وی نہ ہووے۔ تفصیل دے مطابق میڈیا نال گل بات کردے ہوئے صوبائی وزیر نے آکھیا کہ شہر دے مختلف علاقیاں وچ بسنت دا اہتمام کیتا جائے گا۔ رانا مشہود نے ہور دسیا کہ پنجاب حکومت انٹرنیشنل ایکسپو 14تے 15جنوری نوں لاہور وچ کروائے گئے، ایس ایکسپو وچ 15توں 20 ملک رلت کرن گے۔ اوہناں نے دسیا کہ 11ملکاں نے ایکسپو وچ رلت دی تصدیق وی کر دِتی اے۔